Високи ирански воени команданти порачаа дека воените вежби предводени од Иран што се одржуваа оваа недела во Персискиот Залив биле со цел да се испрати предупредување до Израел.

Воените вежби на Револуционерната гарда, кои вклучуваа истрелување балистички и крстосувачки ракети, завршија денеска.

Овие вежби имаа многу јасна порака, а тоа е сериозно предупредување за заканите на ционистичкиот режим да внимава на своите грешки – изјави началникот на Гардата, генерал Хосеин Салами за државната телевизија.

Началникот на Генералштабот на иранските вооружени сили, генерал-мајор Мохамед Багери истакна дека истовремено биле истрелани 16 балистички ракети од различни класи, кои уништиле однапред одредени цели.

Иран наведува дека неговите балистички ракети имаат дострел од 2.000 километри и се способни да стигнат до Израел и американските бази во регионот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.