Иран разгледуваше 13 „сценарија за одмазда“ поради американскиот воздушен напад во кој загина иранскиот генерал Касим Сулејмани во Ирак. Тоа го изјави денеска секретарот на Врховниот совет за безбедност на Иран, Али Шамхани.

Американците треба да знаат дека досега е разговарано за 13 одмазнички сценарија, па дури и ако постои консензус за извршување на најлошото сценарио, тоа може да биде историски кошмар за Американците, предупреди Али Шамхани.

Изјавата на Шамхани ја пренесоа западни медиуми повикувајќи се на иранската агенција Фарс.

Откако милиони Иранци во изминатите денови излегоа на улица за да му оддадат почит на Солејмани, тој денеска ќе биде погребан во родниот град Керман, каде што присутните почнаа да извикуваат „Смрт на Израел!“ кога Салами ги изрече своите закани на централниот плоштад.

САД го обвинуваа Солејмани за смртта на американски војници во Ирак и за планирање на нови напади, додека во Иран, тој важеше за втор најмоќен човек и национален херој.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.