Германија ќе се обиде да им забрани влез на британските патници во Европската унија, без оглед дали ја примиле вакцината против ковид-19, пренесува „Тајмс“.

Германската канцеларка Ангела Меркел сака да ја прогласи Британија за „загрижувачка земја“ бидејќи делта варијантата е толку распространета во земјата, пренесува весникот.

За плановите ќе дискутираат високи европски и национални претставници во Комитетот за интегрирана политика на ЕУ, а Грција, Шпанија, Кипар, Малта и Португалија ќе се спротивстават на обидот.

Предвидено е Меркел оваа недела да се состане со британскиот премиер Борис Џонсон. Велика Британија планира да објави план следниот месец дека целосно вакцинираните лица да можат да патуваат без ограничувања во сите земји, освен оние со висок ризик од инфекција.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.