Економијата во сите земји на еврозоната ќе има голем пад, најмал во Луксембург од    -5,4 отсто. За опоравувањето ќе бидат потребни најмалку две години оценува Европската комисија

Економијата на еврозоната се очекува да се намали за 7,75 проценти оваа година, како резултат на корона вирусот, контракција што ја засени најлошата финансиска криза во 2009 година.

Европската комисија го нарече овој пад „рецесија на историски размери“ во пролетната прогноза, која исто така предупреди дека невработеноста во ЕУ може да се искачи на 9 проценти оваа година.

Работите би можеле да се влошат во зависност од тоа како ќе се развива пандемијата, рече извршниот орган на Брисел. Финансиската криза ја намали економијата на еврозоната за 4,5 проценти во 2009 година и остави околу 10 проценти од работниците без работа.

Грција, Италија и Шпанија се соочуваат со најтешки удари, се прогнозира дека ќе изгубат 9,4 проценти или повеќе од бруто домашниот производ. Но, сите земји од еврозоната ќе имаат намалување, најмалку 5,4 проценти се предвидени за Луксембург. Прогнозата на Германија е 6,5 проценти додека за Франција се 8,2 проценти.

Додека ги соопштуваше новите бројки – зачудувачки пресврт од -8,8 процентни поени од ноемвриското предвидување за раст од 1,4 процент во 2020 година – Паоло Џентилони, економскиот шеф на Комисијата, на прес-конференција рече дека верува оти лидерите би можеле да спречат трајно оштетување на ЕУ со тоа што ќе се согласат за „вообичаени алатки“ за закрепнување, дури и кога некои земји неизбежно се враќаат подобро од другите.

Џентилони рече дека лидерите признале дека за разлика од финансиската криза во 2008 година, сите земји сега се наоѓаат во опасност и мора да работат заедно.

Ако погледнам пред два месеци, пред еден месец, пред две недели – оваа свест беше поограничена, рече Џентилони. Дали е ова само човечка солидарност? Па, јас не ја отфрлам човечката солидарност. Човечката солидарност е многу важна, како и европската сентименталност. Но, мислам дека тоа е економска свест.

Економијата во еврозоната треба да отскокне следната година со тоа што бруто домашниот производ да порасне за 6,25 проценти, додаде Комисијата. Но, закрепнувањето ќе се разликува во рамките на единствената валутна унија.

Длабочината на рецесијата и силата на закрепнување ќе бидат нерамномерни, условени со брзината со која може да се подигнат затварањата, важноста на услугите како туризмот во секоја економија и од финансиските ресурси на секоја земја, рече Џентилони. Ризиците се исклучително големи и за жал, тие се во надолна линија, рече тој.

Севкупно, неговата порака беше ужасна вест: Контракцијата во 2020 година во ЕУ ќе биде 7,4 проценти, далеку поголема од падот од 4,5 проценти во 2009 година, најлошата година на финансиската криза; закрепнувањето во 2021 година ќе биде 6,1 процент („не е доволно за целосно да се надомести загубата од оваа година “); инфлацијата ќе биде послаба; невработеноста ќе се искачи; националните долгови ќе растат.

Ова неизбежно ќе доведе до значително влошување на јавните финансии оваа година во сите земји-членки, рече тој.

Џентилони рече дека закрепнувањето ќе биде долго и напорно, а за повеќето земји од ЕУ нема да се случи најрано до 2022 година.

До крајот на 2021 година, според нашите прогнози, само Германија, Австрија, Хрватска, Словачка и Полска се предвидува да го надоместат нивото на економска активност видено во последниот квартал од 2019 година, рече тој. Спротивно на тоа, нивото на производство во Италија, Шпанија и Холандија се предвидува да остане повеќе од 2 проценти под нивото на крајот на 2019 година.

Со вклучувањето на Холандија, меѓу побогатите земји на ЕУ, кон Италија и Шпанија, Џентилони се чини имаше намера да ја замолчи расправата во која Хаг е прикажан како нечувствителен за потребите на јужните земји најтешко погодени од вирусот.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.