Американскиот претседател Џо Бајден ќе добие трета доза од вакцината против „Ковид-19“, но ќе чека да биде широко достапна, изјави портпаролката на Белата куќа, Џен Псаки.

Ќе почекаме додека не биде широко достапна, што очекуваме наскоро, рече Псаки за новинарите во Белата куќа.

Бајден за Еј-Би-Си њуз во август рече дека тој и неговата сопруга Џил Бајден ќе добијат трета доза од вакцината против Ковид-19 за зајакнување на имунитетот, кога неговата администрација ги објави плановите да им се стави на располагање третата доза на вакцината на возрасните во САД од 20 септември.

Програмата за трета доза е во тек, иако милиони Американци допрва треба да ја примат првата доза.

Бајден (78) и неговата сопруга ја добија првата доза на „Фајзер/Бионтек“ во декември, кога вакцините штотуку беа увезени во САД.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.