За време на првата предизборна дебата меѓу Доналд Трамп и Џо Бајден, новинарот Крис Валас од „Фокс њуз“ го праша Бајден дали ќе се обврзе дека „нема да прогласи победа додека резултатите од изборите не бидат официјално потврдени“, на што кандидатот на Демократската партија јасно одговори „ДА“.

Ќе им препорачате ли вашите приврзаници да останат мирни додека се бројат гласовите и дали се обврзувате дека нема да прогласувате победа додека изборите не бидат официјално заверени? – праша Валас дебатата одржана во Кливленд.

На тоа Бајден без двоумење одговори потврдно.

Да. И, еве го договорот. Ќе ги преброиме гласачките ливчиња. Како што истакнавте, некои од овие гласачки ливчиња во некои држави не може да се отворат до денот на изборите, а ако постојат илјадници такви ливчиња, ќе треба време тоа да се направи – одговори Бајден.

Сепак, по изборите, Бајден не направи така како што тврдеше. Наместо тоа, почна да настапува како избран претседател и да највува спроведување на конкретни проекти, притоа игнорирајќи го фактот дека резултатите од претседателските избори се уште не се званично потврдени.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.