Американскиот разурнувач „Портер” вооружен со крстосувачки ракети вплови во Црното Море, пренесуваат странските агенции.

Неговите движења ги следат силите на руската Црноморска флота, соопшти Рускиот национален центар за управување со одбраната.

Силите и средствата на Црноморската флота почнаа да ги надгледуваат дејствијата на разурнувачот ‘Портер’ на морнарицата на Соединетите Американски држави, кој на 30 октомври 2021 година навлезе во водите на Црното Море, соопшти Центарот кој е во состав на Министерството за одбрана на Русија.

Претходно американската морнарица соопшти дека штабовите на Шестата флота на американската морнарица и ударните поморски сили и силите за поддршка на НАТО започнуваат со операции во Црното и Средоземното Море.

Штабот на Шестата американска флота се наоѓа во италијанскиот град Неапол, од каде е организиран целиот спектар на воено – поморски операции.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.