Градежен кран падна од зградата на новиот комплекс на „Гугл“ во Сиетл за време на голема бура што го зафати градот, пришто четири лица загинаа, а исто толку се и повредени.

Двајца од жртвите се работници кои управувале со кранот, а другите двајца се случајни минувачи, кои загинале откако кранот паднал врз нивните автомобили.

При падот на кранот уништени се шест автомобили.

Градоначалничката на Сиетл, Џени Дуркан изјави дека е право чудо што 25-годишна мајка и нејзината четиримесечна ќерка преживеаја откако кранот падна врз нивниот автомобил и се здобија со полесни повреди. Уште две лица се хоспитализирани по инцидентот.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.