Популарните туристички дестинации ширум светот мораа да се справат со значителен пад на туристи во контекст на пандемијата на корона вирус. Сепак, реткокоја од нив беше потешко погодени од Бали – индонезискиот остров, миленик на милиони луѓе ширум светот, анализира Си-Ен-Ен.

Поради строгите мерки за гранична контрола и затворениот аеродром, во 2021 година Бали прими само 45 странски посетители. За споредба, во 2019 година тие беа 6,2 милиони, а во 2020 година 1,05 милиони.

Ова е најмалиот број странски туристички посети што некогаш сме ги регистрирале – изјавил за Си-Ен-Ен Ниоман Геде Гунадика, шеф на одделот за туризам во провинцијата Бали.

Двоцифрениот број е за периодот помеѓу јануари и октомври 2021 година. Бидејќи аеродромот на островот беше затворен за меѓународни летови речиси цела година, овие туристи доаѓаа главно со приватни јахти.

Иако аеродромот официјално беше отворен за меѓународни летови на 14 октомври, досега се реализираа само домашни летови, најмногу од главниот град на Индонезија, Џакарта.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.