Владата на Австрија воведе забрана за движење на невакцинираните против ковид-19, што стапи на сила од денес на полноќ.

На сите невакцинирани граѓани постари од 12 години им се забранува да ги напуштаат домовите во следните 10 дена, освен за основни активности, одење на работа, во продавница, на прошетка, или на вакцинирање.

Според австриската Влада мерката е донесена со цел да се намали бројот на смртни случаи и да се спречи преоптоварување на болниците.
Канцеларот Александер Шаленберг изјави дека одлуката за „заклучување“ на невакцинираните граѓани е донесена бидејќи работата на Владата е да ги заштити граѓаните.

Забраната ќе ги погоди околу два милиони од 8,9 милиони Австријци. Во случај на кршење на забраната невакцинираните граѓани ќе можат да бидат казнети и парично до 1.450 евра.

Во Австрија вакцинирани се околу 65 проценти од граѓаните, а изминатите недели забележан е раст на новозаболени со ковид-19.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.