Министерството за здравство на Австрија, изработи нова уредба околу епидемиолошките мерки, во кои сите земји од Западен Балкан меѓу кои и Македонија, се ставени на „црвена листа“.

Покрај земјите од Западен Балкан, на листата се најдоа и други земји како САД, Ерменија, Азербејџан, Брунеи, Израел, Јапонија и Тајланд. Од тие земји од сега е можно да се влезе во Австрија само со потврда за целосна имунизација.

На зелената листа ставен е единствено Уругвај, кој до скоро беше земја во кој се шири новиот сој.

Уредбата има уште една новина. А тоа е продолжување на рокот на вакцинација од девет на 12 месеци. Досега важеше правилото лицето да се третира како вакцинирано девет месеци од приемот на другата доза, а од сега тој рок се продолжува на 360 дена.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.