Видеата на кои се гледа како авион на „Ер Индија“ заглавен под мост на автопат во Њу Делхи брзо се проширија на интернет.

Новинар од индиската новинска агенција АНИ Њуз сподели видео на Твитер, на кое се гледа како огромен авион е заглавен скоро точно на половина пат под мостот, додека има густ сообраќај наоколу и возилата го заобиколуваат.

Авионот заглавил под пешачкиот мост додека патувал на автопатот Делхи-Гуруграм, недалеку од меѓународниот аеродром Индира Ганди во главниот град на земјата, пишува Times of India.

Авионот бил надвор од работа и бил продаден во моментот на инцидентот, се наведува во соопштението на Ер Индија.

„Ова е стар, истрошен авион што веќе го продадовме“, рече портпаролот на компанијата. „Немаме дополнителни информации бидејќи се поврзани со лицето на кое е продадено“, се додава.

Авионот, како што наведоа, бил преземен од купувачот во саботата, ден пред овој инцидент.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.