Уште еден осомничен за терористичкиот напад во Виена е уапсен во акција на специјалната единица „Кобра“ и агенцијата за заштита на уставниот поредок во Линц.

Како што пишува „Кронен цајтунг“, сведоци го виделе апсењето на еден човек, а истражителите одвеле и една или две жени.

Според првините информации, уапсениот маж во Линц, како и главниот напаѓач кој е застрелан синоќа во Виена, биле познати како исламисти. Во текот на апсењето немало пукање.

Убиениот напаѓач е идентификуван е како Кујтим Фејзулаи, а министерот за внатрешни работи на Австрија Карл Неамер, потврди дека минатата година бил осуден заради обид за придружување на Исламска држава.

Албанец од Македонија еден од напаѓачите во Виена

Се работи за 20-годишник чии родители се Албанци од Македонија, а имал двојно државјанство и е познат на полициските органи од порано.

Неамер соопшти дека Фејзулаи без сомнение бил приврзаник на ИД, и дека на 25 април лани бил осуден на 22 месеци затвор поради обид да замине во Сирија за да се приклучи на таканаречената Исламска држава.

„Талентиран фудбалер“ кој западнал во лошо друштво – странските медиуми со детали за Фејзулаи

Претходно, во Виена и во Санкт Полтен се уапсени 12 осомничени, кои се со потекло од Чеченија и Југоисточна Европа, пренесе порталот „Хojте“.

Виена и другите австриски градови се блокирани од утрово, а бројни полициски сили вршат претрес и истражуваат дејства поврзани со синоќешниот напад во кој настрадаа пет луѓе.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.