Слушам дека Зоран Заев го фали Петрета, како Петре бил добар, вреден, најдобар итн. Ме потсетува на онаа народната зајакот му рекол на магарето дека има големи уши. Исти се! Потполно се исти, најлошото што некогаш и се случило на Македонија, нагласи Христијан Мицкоски, претседател на ВМРО-ДПМНЕ на митингот во Карпош.

Мицкоски додаде дека Заев и Петре се исти, тие соработуваат заедно во криминалните зделки.

Ќе ви кажам уште неколку работи зошто Зоран Заев го фали Петре. За тоа што откако чекаа да се крене онаа асфалтна база која што има сопственици, кои што јавноста ги знае, почнаа да ги асфалтираат оние неколку улици кои што најпрвин го гребеа асфалтот, па потоа постилаа нов асфалт. Затоа што криминалниот тендер на Весковски за „Варшавска“ завршува на исто место. За тоа што се збори дека камионите од Струмица, вртат и тука во Скопје. Е заради вакви работи Зоран Заев цело време го фали Петре, рече Мицкоски.

Мицкоски посочи дека поради вакви луѓе граѓаните треба да излезат на 17-ти октомври и да ги казнат, време е граѓаните да гласаат за нова иднина.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.