Два дена внимателно читав предлозите за имиња на улици во Скопје. Читам и не можам да се начудам и си викам: Толку ли ги мразат Македонците???
Петре, која ви е целта на менување на имињата на улиците???

Вака поранешниот скопски градоначалник Коце Трајановски реагира на веста дека дел од скопските улици ќе добијат нови имиња.

Трајановски смета дека да, има имиња кои навистина заслужуваат да бидат на списокот, имиња кои ја отсликуваат нашата разноликост, но прашува „зошто Петре отварате нова Пандорина кутија, со што создавате можност за многу голема штета на Скопје и на Македонија?“.

По Преспанскиот Договор и договорот со Бугарија брзате да ја обезличите Македонија. Или можеби брзате заради нестабилната коалиција па да истерате колку можете.

 

Кога Ние ги менувавме имињата на улиците нашата цел беше улиците да добијат имиња на луѓе од различна етничка припадност (од науката, културата, образованието, … ), луѓе кои дале огромен придонес за Македонија а голем дел од ни ги дале и своите животи за Македонија и за Скопје.

 

Гледајќи ја вашата предлог листа на имиња на улици видов дека има голем број на добри предлози кои заслужуваат улиците да ги добијат нивните имиња, но зачуден сум од големиот број на луѓе кои немаат дадено никаков придонес за Скопје и Македонија, а она што највеќе ме загрижува е тоа што има голем број на луѓе кои работеле против интересите на Македонија.

 

Петре дали со овие предлози целта ви ја избришете милениумската историја на Македонија и да ја направите коминтерновска или Титова творба.
Постојано се повикувавте на трснспарентност а за овој предлог не ги консултиравте граѓаните и стручнста јавност, особено историчарите. Дали со ова и угодувате на Грција и Бугарија? Веројатно знаете дека кога еднаш ќе почнете да угодувате крајот нема да се види а се тоа на штета на Македонците.
Со ова продолжувате да ја доуништувате Македонија и да ја ставате на столбот на срамот.
Да знаете дека нема да ви го дозволиме и ќе ги искористиме сите легални законски норми да ве спречиме во тоа.

 

Не може наместо Христо Татарчев да го вратите партизанскиот командант Сава Ковачевич кој не е од Македонија!
Не може наместо Митрополитот Теодосиј Гологанов да го вратите партизанскиот херој Иво Рибар Лола кој исто не е од Македонија!
Не може наместо Аминта Трети да го ставите Ленин, најголемиот комунистички лидер!
Не може наместо Павел Шатев да ја ставите улица Бихачка од БиХ!
Не може наместо Борис Сарафов да ја ставите улицата 4 Јули!
Има уште многу примери со кои ќе ги бришете и понижувате хероите кои своите животи ги дале за Македонија.
На крајот ќе ве прашам дали ќе го смените името на улица Македонија и плоштадот Македонија. Тоа би било нешто со кое вашите спонзори ќе доживеат катарза, пишува Трајановски.

За крај им порача дека ќе битат казнети од народот на следните избори и дека следната градска власт ќе ја исправи неправдата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.