Каде е Шилегов? Скопски општини се во опасност од пожари, а каде е Шилегов? Праша на прес-конференција портпаролот на ВМРО-ДПМНЕ, Наум Стоилковски.

-Скопски општини се во опасност од пожари, а Шилегов не може да се освести од одмор. Никаде го нема! Воведена е и се уште е активна кризна состојба во државата, војскатае активирана на терен, атарот на Сарај не може да го изгаснат, а Шилегов едноставно го нема, штрака на Фејсбук! Дали е вратен или не од Хрватска не е ни важно, затоа што никаде го нема. Се сокрива зад Фејсбук статуси пишувани веројатно од администрацијата. Остава впечаток дека него состојбите воопшто не го интересираат. Веројатно се уште е под импресии од одморот во Хрватска каде замина, додека сета Македонија беше на нозе да гасне пожари и да нуди помош. Сета, освен дезертерската Влада. Е па ако нема збор за пожарите, ако нема збор за кризната состојба, Шилегов нека излезе јавно да каже: дали одмораше во Хрватска, како си поминал, дали бил во екстралуксузниот хотел Монте Мулини во Ровињ, нека каже дали за шест ноќевања за двајца чини 12.300 евра, или преку три просечни македонски плати за едно ноќевање? Нека каже што е тоа што толку го импресионирало па не може да се освести за состојбите во Македонија и околу Скопје? Македонија минува низ најголемата, незапаметена до сега кризна состојба, пожари на секој чекор ја пеплосуваат, а Шилегов по теркот на познати дезертери замина на одмор во Хрватска. На околината на Скопје ќе се свести кога ќе ја види картата со гласачи, па повторно од таму во Сарај ќе ветува езера и одморалишта! истакна Стоилковски.

Нема полошо за Скопје од Шилегов, нема полошо за Македонија од СДСМ! Додаде тој.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.