Градоначалникот на Скопје, Петре Шилегов, изјави дека немал, нема и ќе нема 19 годишен шофер.

Како и секогаш кога е ДПМНЕ во прашање, не се престанува со креирањето на лажни вести. Знам дека ги боли успехот на градските политики во изминативе 3 години (и нив, а и богами и на некои самопрогласени „експерти“ за Градот), но тоа никако не би смеело да биде причина за свесно лажење.
Еве и официјално: Петре Шилегов немал, нема и ќе нема 19 годишен шофер. Ама лагите не се ништо ново за оваа и ним блиските структури. Што да им каже човек?
Вие продолжете со креирање на лажни вести, јас ќе продолжам со развој на Градот и градските политики. И допрва ќе ве болат градските политики…
Скопјани се сведоци на трансформацијата на нивниот град кон поубаво и похумано место за живеење. Таа реалност не може да ја искриват лажни вести и измислени афери што јалово се пласираат од страна на опозициската ДПМНЕ колку само да го пополнат медиумскиот простор, без никаква одговорност кон граѓаните – напиша Шилегов на социјалните мрежи.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.