Шилегов изгледа очајно и патетично, нека не ги моли граѓаните затоа што нема да му се прости неработењето и ароганцијата која сега се обидува да ја потиснува. По неколку години навреди кон граѓаните, невидена ароганција и тотална неспособност во работењето, Петре Шилегов се обидува да глуми. Но неговиот настап на телевизиските екрани изгледа очајно и патетично, нема веќе што да им понуди на разочараните граѓани, а свесен е дека ќе изгуби – велат од ВМРО-ДПМНЕ.

Во партиското соопштние стои дека Шилегов губи со 8000 гласови, тоа се 8000 причини зошто нема да биде повеќе градоначалник.

А има и зошто, Шилегов ќе остане запаметен како најбогатиот градоначалник во Европа, со тоа што од една чиновничка плата успеа да го зголеми неговиот имот неколку кратно во рекордни четири години. Шилегов кој сега моли за гласови, небаре е за греота фактот што поседува четири стана, две куќи, злато и уметнички слики вредни неколку стотици илјади евра. Петре успеа да изгради цела хациенда во Маврово и додека скопјани пливаа во дожд со години тој си одмораше на викенди. Скопјани нема да му заборават дека гради зграда од 306 квадрати во Тафталиџе со лифт, од парите на граѓаните. Шилегов да не се брука во јавност и во очај да моли за гласови затоа што скопјани веќе му пресудија. Шилегов никогаш не бил најдоброто за Скопје, на 31-ви ќе стигне казната за неспособноста, неработењето и прекумерното богатење – посочуваат од најголемата опозициона партија.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.