Музејот на Град Скопје потврди дека фотографираниот артефакт кој го објави скопскиот градоначалник Петре Шилегов на Фејсбук, пронајден додека се врши реконструкција на булеварот „Партизански одреди“, е саркофаг од 2 век од нашата ера.

Станува збор за камен саркофаг и три елементи на надгробен Олтар кои потекнуваат од римски период, соопштуваат од Музеј на Град Скопје.

Масивниот артефакт е пронајден во скопската населба Карпош 4, во близина на слаткарницата „Палма“, вчера при реконструкција на улица, а Шилегов на Фејсбук објави дека е извлечен од под скопскиот тротоар.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.