Стационарот за вдомување кучиња скитници со кој ќе раководи новото ЈП „Лајка“, според нашите проценки, се очекува официјално да биде отворен наредната недела, информира на денешната прес-конференција градоначалникот на Град Скопје, Петре Шилегов.

Тој истакна дека утре е контролата од Агенцијата за храна и ветеринарсто, од каде, како што рече, очекуваат да го добијат документот за „Лајка“ да почне со работа.

И халата каде што требаше да се спроведе струјата е завршена. Јас мислам дека ќе се создават услови за вдомување на кучињата, но да не прејудицираме. Агенцијата храна и ветеринарство нека си ја заврши својата работа. После тоа, очекувам да биде позитивно мислењето, да може да функционира, рече Шилегов.

Пред еден месец, скопскиот градоначалник рече дека „Лајка“ ќе се отвори во првата половина на септември. Претходно во мај рече дека ќе почне до крајот на мај, па во јуни рече „следната недела“. Шилегов ја вети „Лајка“ на почетокот на 2019 година, а во март истата година го затвори „Вардариште“.

Петре се дрзна повторно да изговори дека наскоро ќе проработи „Лајка“



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.