Неколку стотици граѓани, претежно млади лица, денеска го одржаа вториот протест „Правда за Кољо“ и уште еднаш го искажаа својот револт за висината на пресудата со која судот го казни лицето кое минатата година го уби 17-годишниот Никола Христовски – Кољо.

Под слоганот „Жолт картон за системот“ и „Младите животи вредат“, облечени во црни маички во натпис „Правда за Кољо“, со транспаренти и жолти картони, граѓаните јасно порачаа „Уаа убијци“, „Сакаме правда“, „Судство за пари“, но и познатото „Нема правда нема мир“.

Присутните прво седнаа пред Министерството за правда каде дадоа аплауз за убиениот 17-годишник, по што тргнаа кон Обвинителството, каде наидоа на полициски коридор. Кратко се задржаа за да продолжат кон комплексот судови на Битпазар.

Повеќе фото на Радио МОФ



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.