Марин „ќе измете” пола милион евра од буџетот на Аеродром, додека има нула денари за борба против загадувањето, алармира Златко Перински по веста дека градоначалникот на Аеродром ќе набавува „метларки“ за половина милион евра од фирмата на поранешниот вицепремиер Кочо Анѓушев.
Да се трошат половина милион евра за набавка на метларки, а инвестициите во борбата против загадувањето, што е актуелен проблем за Аеродром да се нула денари преставува расфрлање со парите на граѓаните.
Очигледно Марин има „добра” и веројатно лична причина за тоа што му е приоритет. А таа може да се гледа во фактот што добитник на оваа набавка е компанијата на поранешниот вицепремиер на Владата на Заев, Кочо Анѓушев.
Како токму овие метларки се најдобри за Аеродром и дали не се тие „нацртани” во договорот склучен со компанијата треба да е предмет на истрага на институциите, но она што е важно и болно за Аеродромци што и денес, утре и деновите потоа Аеродром е рекордер по загадениот воздух, а имаме власт и градоначалник кој не прават ништо да го променат тоа. А нели ветуваа чист воздух…, порача Перински.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.