„Лајка“ бара некој да го вдоми Том, а всушност тоа е Пабло и има сопственици, но не им го даваат

Сопствениците на расно куче, не можат да си го земат Пабло од „Лајка“ и покрај тоа што имаат ветеринарна книшка за вакцинација, фотографии и видеа и својот миленик.

Петре Шилегов, Тина Петрушевска

Дека успеавте да ги решите сите бездомни кучиња, па сега на ред дојдоа кучињата со сопственици. И тоа пази богати, баш младите и расни кучиња.

Ова не е Том, ова е Пабло, кумот малку утнал работа. Пабло избегал вечерта на Нова год, исплашен од петардите, а сопствениците си го бараат секој можен ден во институцијата со која раководите. Како доказ имаат ветеринарна книшка за вакцинација, фотографии и видеа и својот миленик.

Не им го враќате, иако ве премолеа, им барате 300 евра небаре ко во „Мериот“ да престојувало!

После тоа го прекрстувате и огласувате за вдомување, како да е играчка! Раѓате сомнежи за незаконско работење, кое понатаму секако ќе биде предмет на наш интерес.

ДА – за казни за неодговорно сопствеништво и ДА за задолжително чипирање. И да, апсолутно е потребно да се носи одговорност, но не врз грбот на миленикот!

Вратете им го Пабло на сопствениците, зошто се останато ќе биде нелегална трговија со кучиња!-напиша на својот фејсбук профил вечерва Мери Јордановска.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.