Скопската градоначалничка Данела Арсовска доставила допис до раководството на јавното претпријатие „Градски паркинг“ да се изготви нов ценовник, односно да се намали цената на паркирањето, известува Град Скопје.

Поевтинувањето треба да биде 25 отсто, односно за 10 денари. Намалувањето на цените е како резултат на изборната програма на градоначалничката во која вети поевтин паркинг.

До крајот на неделава треба да биде усвоен новиот ценовник на седницата на УО на „Градски паркинг“, а потоа одлуката да биде прифатена на седница на Град Скопје.

Во катните гаражи наместо 30 паркингот треба да биде 20 денари по час, а на зонските паркинзи во зона А од 50 денари паркирањето ќе се намали на 40, во зона Б од 40 на зо денари, а во зоните Ц и Д паркирањето ќе биде 20 денари наместо 30.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.