Белата лавица Бела, млада женка која припаѓа на видот бели лавови, од Ходенхаген, Германија пристигна во Зоолошката градина во Скопје.

Белите лавови се еден од најзагрозените видови во светот, а во природата се речиси во истребување, поради масовниот лов, но и нивната отежната репродуктивност.

Директорот на скопската зоолошка, Ѓорѓи Галетановски, истакна дека ова е првпат во Скопје, но и во нашата држава да има бели лавови, а додаде и дека планираат да донесат и бели тигри, како и други бели животни кои се доста ретки.

За неколку дена, во Скопје ќе пристигне и белиот лав Чака од Амневил, Франција, со кој заедно ќе живеат во пространо живеалиште адаптирано за нивните потреби.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.