Благица Ласовска е новата претседателка на Унијата на жени на ВМРО-ДПМНЕ, а Тимчо Муцунски Секретар за меѓународна соработка одлучи вчера Извршниот комитет на ВМРО-ДПМНЕ

Ласовска беше в.д претседателка откако неодамна Даниела Рангелова си поднесе оставка од претседателка на Унијата на жени. Ласовска е поранешен претседател на УЖ Свети Николе, поранешен член на Извршниот Комитет на Унијата на жени и актуелен пратеник во Собранието.

Муцунски е докторант и асистент на правниот факултет при УКИМ и поранешен заменик министер за информатичко општество и администрација. Тој во изминатите години извршувал повеќе функции во ВМРО-ДПМНЕ, од кои член на Извршниот комитет на Унијата на млади сили, како и советник за меѓународни односи на претседател на ВМРО-ДПМНЕ.

Извршниот комитет на ВМРО-ДПМНЕ со искажаната доверба на Ласовска и Муцунски верува дека со својата посветеност и капацитет ќе ги исполнат целите и политиките на ВМРО-ДПМНЕ – соопшти партијата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.