Началникот на Инфективното одделение во Клиничка болница-Штип, Дијана Шишкова вели дека жената е во добра здравствена состојба и деновиве ќе биде пуштена.

Инаку, жената е касната од змија додека работела во нивата насадена со грашок, а наместо на нозете да носи чизми, таа полските работи ги извршувала боса.

На штипското Инфективно одделение ова е прв случај на пациент каснат од змија за оваа година. Затоа се апелира земјоделците и сточарите да внимаваат кога ги извршуваат своите работи на нива или пасиштата.

Шишкова забележува дека ги имаат сите потребни серуми против каснување од змии, а во текот на мај имале и неколку случаи со крлежи. Во моментов состојбата со морбили во штипскиот регион се стабилизира, но и понатаму будно се следи, бидејќи инкубацијата на оваа болест е над десет дена.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.