Вчера околу 15 часот во СВР Скопје било пријавено дека на објект во изградба на улица „Лондонска“ во Скопје, кој го гради тетовска фирма сопственост на Г.Х. (54) од село Мала Речица, починал градежниот работник М.А. (33) од село Челопек, тетовско.
Според пријавеното, додека М.А. се обидувал да натовари железна арматура на кран, арматурата се откачила и од висина од околу два метри паднала врз него.
Смрт констатирал лекар од Итна медицинска помош, а по наредба на Јавен обвинител телото било предадено на обдукција.
Увид на местото извршиле Јавен обвинител и екипа од СВР Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.