Железничкиот сообраќај на релација Велес-Скопје синоќа беше 4,5 часа во прекин поради падната топола на пругата. Сообраќајот бил во прекин од 18,30 часот до 23 часот, а тополата ја сечече граѓани и таа наместо кон реката Вардар паднала на пругата.

Според првичните сознанија од МЖ направена била штета на контактна високонапонска мрежа од 25 000 KW и штети на пругата што треба да ги утврди комисија на МЖ.

Поради тоа од Скопје не можел да тргне патничкиот воз кон Битола, а во Железничката станица во Велес стоеле два воза од Битола за Скопје и од Гевгелија за Скопје, а во застој биле и товарните возови од Гевгелија за Табановце и од Табановце за Гевгелија, информираат од МЖ.

Увид на местото на настанот направила екипа на МЖ-инфраструктура и на МВР.

Од ЈП МЖ апелираат до граѓаните кои сечат дрва покрај пругата претходно да бараат дозвола и за тие активности да контактираат и да добијат асистенции и инструкции од надлежните од МЖ.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.