Затворска казна од три години денеска доби 50-годишниот возач на автобусот „Бус травел – Скопје“, Ацо Николовски, кој на 20 август 2017 година направи сообраќајка во близина на месноста „Пуста Кула“ на автопатот Велес-Скопје.

Во сообраќајната несреќа, од здобиените повреди починале двајца патници,13 биле тешко повредени, а 12 со телесни повреди.

Како што информираат од Основниот суд Велес, Николовски денеска во судница, каде присуствувале дел од повредените патниците во автобусот, им се извинил на патниците за стореното, и го признал делото за кое се товарел „тешки дела против безбедноста на луѓето и имотот во сообраќајот“.

Според Обвинителството, сообраќајната несреќа на автобусот се случила бидејќи возачот на автобусот не ја држел страната и правецот на движење, не се движел по средината на коловозната лента на која се наоѓал, туку преминал на левата коловозна лента, излегол од коловозот, удрил во металната заштитна ограда и на левата бочна страна се превртел со автобусот полн со патници при што дошло до несреќата.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.