Полицијата добила пријава за три новогодишни забави во текот на ноќта.

Евидентирани се три пријави за прославување на новогодишната ноќ од поголема група луѓе, и тоа на подрачјето на Карпош во стан на бул.„Партизански одреди“, на подрачјето на Центар на бул.„Илинденска“ и на подрачјето на Бит Пазар, во Старата чаршија. По комплетно документирање на случаите ќе бидат поднесени соодветни поднесоци – велат од МВР.

Оттаму додаваат дека во текот на ноќта костатирани се осум прекршоци од Законот за прекршоците против јавниот ред и мир, а на 31.12.2020 во 18.40 часот на ул.„Иван Козаров“, пред угостителски објект, поради нарушување на јавниот ред и мир приведени се М.Н.(18) и И.Д.(18) и по документирање на случајот ќе бидат поднесени соодветни поднесоци. Констатирани се и 29 прекршоци за неносење лична заштита.

Во врска со донесената Одлука на Владата на Република Македонија за постоење на кризна состојба на територијата на државата заради заштита на јавното здравје во услови на постоење на пандемија од ковид-19 и согласно изготвениот Оперативен план за постапување на Министерството за внатрешни работи, СВР Скопје преку Единиците за внатрешни работи, во временскиот период од 12.00 часот на 31.12.2020 до 04.00 часот на 01.01.2021 спроведе зајакнати мерки и активности самостојно и во соработка и содејство со Државниот пазарен инспекторат, со цел контрола за спроведување на препораките за работата угостителските објекти, спречување на можни нарушители на јавниот ред и мир и спречување на вршење на кривични дела и прекршоци за време на новогодишната ноќ. Притоа, во текот на новогодишната ноќ на подрачјето на СВР Скопје извршени се зајакнати контроли во угостителски објекти при што се контролирани 288 угостителски објекти. Од преземените мерки и активности не се констатирани неправилности при спроведување на протоколите во врска со ковид-19 – стои во соопштението на МВР.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.