Во тетовските училишта се продава  и консумира дрога, ученици носат ладно оружје, а девојчиња се проституираат, се дел од заклучоците од денешната трибина во Тетово, одржана во присуство на претставници од училиштата, полицијата, центарот за социјална работа, општина Тетово и други институции.

Директорката на училиштето „Кирил и Методиј“ Сихана Каба Касами вели дека треба да се подигне свеста во училиштата, но и кај родителите. Според неа, училиштата ги презентираат проблемите, но институциите не преземаат мерки.

Ние бевме информирани дека имаме случаи на употреба на дрога на малолетна возраст, имаме проституција на малолетна возраст и за овие случаи не треба да се молчи. Треба да излезат на површина час поскоро. Зборуваме за деца до 14 години, тие се наши деца, во кое училиште и да е. Значи, сите треба да бидеме очи и уши и случаите да не се кријат само за да не бидеме казнети. За нас како раководители или нешто друго е важно да ги спасиме. За малолетниците проблем е ако тргнат по таков пат, да ги спасиме час поскоро, бидејќи ја чекаат нашата помош, вели Каба Касами, пренесува ТВ21.

Целиот текст ТУКА.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.