Oколу 9 часот утринава на излезот од Радовиш, на клучката за Струмица, се случи сообраќајна незгода, во која според првичните информации на полицијата нема загинати, но има повредени.

Како што информираше портпаролката на СВР Струмица, Александра Трајанова, засега не е познато колку и кои возила учествувале во незгодата, а според информациите со кои таа располага нема загинати.

-Увидот на полицијата се уште трае и заради тоа сообраќајот по магистралниот пат А-4 Радовиш-Струмица е пренасочен по стариот пат, рече Трајанова.

Повеќе детали за сообраќајната незгода од полицијата најавуваат за подоцна.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.