Жена се здобила со тешки телесни повреди во сообраќајна несреќа која се случила вчера во 14:20 часот на обиколницата на град Скопје во близина на клучка „Стајковци“. Како што информира МВР, патничко моторно возило „опел корса“ со тетовски регистарски ознаки, управувано од 34-годишната М.С. од село Долно Палчиште, изгубило контрола и удрило во металната ограда и канделабра. Од ударот канделабрата паднала на коловозот од обиколницата од спротивната насока и во тој момент патничко моторно возило „мерцедес МЛ320“ со гостиварски регистарски ознаки управувано од 49-годишниот П.Т. од село Врапчиште, и патничко моторно возило „фолксваген поло“ со скопски регистарски ознаки управувано од 48-годишниот Р.Ј. од Скопје удриле во металната канделабра. По незгодата, М.С. била пренесена во клиничкиот центар и ѝ биле констатирани тешки телесни повреди.

Увид на местото на настанот извршила екипа од СВР Скопје.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.