На магистралниот пат Штип-Кочани попладнево се случила сообраќајна несреќа на потегот меѓу селата Долни Балван и Чардаклија во која учествувале тешко товарно возило и автомобил.

Портпаролот на СВР Штип, Гордана Панајотова за МИА информирала дека според првичните информации од терен, нема повредени учесници во несреќата, но има материјална штета.

Од страна на екипи на СВР Штип во тек е увидот, а сообраќајот е во прекин на патот Штип-Кочани и полицијата го пренасочува преку други алтернативни патишта, односно преку селото Таринци кон Штип или во спротивен правец.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.