При сообраќајна несреќа во Штип, автомобил удрил во паркирано возило по што се запалил.

Автомобилот брзо бил изгаснат од противпожарните екипи, но 62-годишната сопатничка во автомобилот била повредена и префрлена во штипската болница.

На 23.12.2021 во 08.15 часот во СВР Штип било пријавено дека на ул.„Карл Маркс“ во Штип, патничко моторно возило „шевролет спарк“ со штипски регистарски ознаки, управувано од А.А.(24) од Штип, удрило во паркирано патничко моторно возило „опел астра“ со штипски регистарски ознаки, при што настанал пожар во возилото „шевролет спарк“. Од екипа на Територијалната противпожарна единица Штип пожарот бил изгаснат – соопштија од МВР.

Во несреќата со тешки телесни повреди се здобила сопатничката С.К.(62) од Штип, констатирани во Клиничката болница во Штип.

Извршен бил увид на местото на настанот од увидна екипа од СВР Штип.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.