Основниот кривичен суд во Скопје денеска пресуди казна затвор до 7 години и 6 месеци за 22-годишниот кумановец Никола Стефановски, возачот кој беше обвинет за тешки дела против безбедноста во сообраќајот со смртни последици, за сообраќајна несреќа во која загина малолетната кумановка Јелена Филиповиќ.
Изрекувањето на пресудата следува откако обвинетиот на претходното рочиште ја призна вината, но не изрази каење за делото.
На 19.11.2021 година беше закажано рочиште по предметот за Јелена Филиповиќ на кое беше јавно објавена пресудата со која судот обвинетиот го огласи за виновен и му определи казна ефективен затвор во траење од 7 години и 6 месеци. Воедно судот му изрече и забрана за управување со моторно возило во траење од 5 години. По предлог на јавниот обвинител, судот донесе решение за замена на мерката куќен притвор со затворски притвор, информираше Коалицијата „Сите за правично судење“.
Сообраќајката во која загина Јелена се случи минатата година, ноќта кога се прославуваше Стара нова година, на територија на скопски Илинден. Возачот Никола тогаш имал 20 години и бил во алкохолизирана состојба, додека загинатата Јелена била само неколку дена пред полнолетство. Во автомобилот со нив била и Тамара Петковска која била тешко повредена и исто така е оштетена на судскиот процес.
Родителите на Филиповиќ сметаа дека се работи за убиство, а таткото на загинатата е во притвор поради истрага за наводно планирање и нарачување на платено убиство на сега веќе осудениот возач.
Минатиот месец гробот на загинатата 17-годишна Филиповиќ беше ископан од крадци на гробови кои биле пуштени на викенд од затворот Идризово.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.