Тешка сообраќајна несреќа се случи вечерва, во прериодот меѓу 19 и 19.30 часот во близина на хотелот „Александар Палас“ во Скопје.

Во несреќата во која учествуваа „рено сценик“ и „опел корса“ има повредени. На местото на настанот интервенираат возило на брза помош и возило на противпожарната бригада.

Неофицијално, според информациите на Пресинг тв, до судирот дошло кога „опелот“ излегувал од пристапната уличка од хотелот кон булеварот, при што на него налетало „реното“ кое се движело од Момин Поток кон Водно. „Опелот“ се извртел по што удрил и во електричниот столб во близина.

Подетални информации ќе има откако ќе заврши увидот на екипите на МВР.

Повеќе фотографии и видеоснимка на Пресинг ТВ



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.