На денешното рочиште за „Монструм“ во еден од аудио разговорите што беа пуштени, лидерот на ДУИ Али Ахмети го прашува Сафет Незири за информации за уапсените за кои за двајца вели дека се добри луѓе додека за еден дека е бандит. Ахмети го прашува Незири дали петтиот убиен (рибарот) е во роднинска врска со сопственикот на езерото, а тој му вели не, туку само се познавале и дека момчињата немале блиски роднини во МВР.
На 4 ноември продолжува судењето за убиството на момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски кај Смилковското езеро на 12 април 2012 година, со читање на СМС комуникација и разговори од „бомбите“, докази предложени од Обвинителството.
Во претходна постапка за случајот на доживотен затвор беа осудени Алил Демири, Африм и Агим Исмаиловиќ, Езим и Хаки Азири и Сами Љута и им определи мерки на претпазливост.
По укинувањето на пресудите, случајот „Монструм“ го презеде СЈО и предметот беше вратен на повторно судење
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Comments are closed for this post.