Стојан Павлевски, осуден за обид за убиство на Зијадин Села, од настаните на 27 април, но ослободен и пуштен на условно, веќе 4 месеци лежи на Клиниката за трауматологија во тешка состојба со декубитни рани по телото од половина надоле, од кои се шири непријатен мирис, пренесе Досие.

Павлевски неколку дена после ослободувањето е нападнат и претепан. Има повреди на рбетот и крварење во мозокот. Лежи неподвижен во горните и долните екстремитети и неговите се жалат дека мораат сами да му ги преврзуваат раните.

На 24.09.2018 од граѓани било пријавено дека на влезот од Зелен Пазар, во паркот лежеле две лица. Полициски службеници излегле на местото, а лицата со возило на Итна медицинска помош биле однесени во Комплексот клиники „Мајка Тереза“ каде им била укажана лекарска помош. По преземените мерки било утврдено дека станува збор за лицата В.Т. (58) и С. Павлевски (52), двајцата од Скопје, пишуваше во соопштението од МВР.

„Алфа“: Се одмаздува ли некој за нападот врз Села во Собрание?



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.