Основното јавно обвинителство – Гостивар до надлежниот Суд поднело предлог за издавање казнен налог против лице на возраст од 53 години за сторено кривично дело „повреда на семејни обврски“ од член 203 став 1 во врска со член 45 од Кривичниот законик.

Поради стореното кривично дело, Основниот суд Гостивар на обвинетиот му изрече казна затвор од три месеци, која нема да се изврши доколку не стори ново кривично дело во рок од една година.

Како што информира Обвинителството, обвинетиот во неутврден временски период со груба повреда на законските обврски, намерно навремено не пружил нега на неговата сопруга која е неподвижно лице.

Обвинетиот не се грижел за одржување на личната хигиена на оштетената, не и давал лекарства и храна. Тој во неколку наврати ја скубел за косата и ја туркал по рацете и и давал несоодветни лекарства за успивање – се додава во соопштението.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.