Повеќе физички напади, како и случај со исчезната девојка беа пријавени изминатиот викенд во СВР Велес.

Вчеравечер 43-годишниот З.Т. од Велес околу 2:30 часот, во СВР Велес пријавил дека на улицата „Борис Трајковски“ бил физички нападнат од три лица. Портпаролот на СВР Велес Верољуб Додевски информира дека се работи на расчистување на случајот.

Вчеравечер, околу 00:30 часот во Полициската станица Кавадарци, 19-годишниот С.П. од село Возарци, Кавадаречко, пријавил дека пред угостителскиот објект во Градско бил физички нападнат од 28-годишниот П.Ј. од Росоман. Како што информира Додевски, по целосно документирање на случајот ќе биде поднесена соодветна пријава.

Во саботата, околу 16:45 часот во СВР Велес, 54-годишниот С.М. од Велес пријавил дека на ул.„Наце Димов“ во Велес бил физички нападнат од Р.Н.

По целосно документирање на случајот ќе биде поденесена соодветна пријава, информира Додевски.

Вчера во 13:20 часот во Полициската станица Велес, 43-годишниот Ф.Р. пријавил дека неговата сопруга 24-годишната С.М.се оддалечила од домот. Се преземаат мерки за пронаоѓање на лицето.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.