Управата за извршување санкции наместо да интервенира и да ги одземе мобилните телефони на притворениците и затворениците, апелира да не ги злоупотребуваат. Во телефонски разговор за Алфа, директорот оваа институција, Јовица Стефановиќ , вели дека било разговарано затворениците да не ги злоупотребуваат работите кои ги имаат кај себе.

Направени беа вонредни контроли кај затворениците, беше разговарано со нив, побарано беше да не ги злоупотребуваат работите кои ги имаат кај себе, изјави во телефонски разговор за Алфа, Јовица Стефановиќ.

Од затворите каде мобилните телефони се забранети последниве денови јавноста беше сведок на испратени закани од членови на Кумановската група, дел преку објави на социјалните мрежи, дел преку писма објавени во медиумите на албански јазик. Од затворските ќелии се заканија Сами Ушкини, алијас Командант Соколи, Мухамед Красниќи, познат како Командант Малишева, а во писмо закани пристигнаа и од целата Кумановска група.

А последен кој од затвор излезе со порака испратена директно опозицискиот лидер, Христијан Мицкоски е Дем Шеху, уште еден од членовите на Кумановската група, велејќи дека ВМРО-ДПМНЕ е терористичка организација.

Страшливци се вашите кукавици со сиви и црни униформи камуфлирани со маски кои редовно не малтретираа со врзани раце за време на транспортот до судовите. Ние ги заробивме вашите полицајци и откако ги врзавме, не ги малтретиравме и ниту ги допревме со рака, бидејќи треба да си како вас кукавиците на ВМРО, страшливци и гнасни за да малтретираш некој кој е со раце врзани зад грб. Овој начин на дејствување ја разликува Кумановската Група од страшливците на терористичката организација ВМРО, вели Дем Шеху.

Во меѓувреме од МВР информираат дека од вчера Секторот за компјутерски криминал работел на случајот поврзан со заканите кои пристигнуваат од затворските установи на притвореници обвинети за кумановските настани.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.