На крстосницата од регионалниот пат Куманово – Свети Николе и исклучок од автопатот во изградба Штип – Миладиновци, патничко возило „БМВ“ со скопски регистарски ознаки, управувано од А.К. (26) од Скопје, излетало од патот и се превртело на покривот во Кнежевска Река.

Притоа, со тешки телесни повреди е здобиле сопатниците П.Ј. (25) од Скопје, А.М. (21) од Куманово и Х.И. (20) од Скопје. Со возила на Итна медицинска помош тие биле пренесени во болницата во Штип, по што П.Ј. бил пренесен во Градската општа болница „8 Септември“ во Скопје, а останатите биле задржани на понатамошно лекување. Увид на местото извршила екипа од Полициската станица Свети Николе.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.