Едно лице загина, а две се тешко повредени во сообраќајна несреќа кај долнореканското село Скудриње што се случи денеска околу пладне.

Според СВР Тетово, животот го загубил А.Д. (52) од Скопје откако на регионалниот пат Маврови Анови – Дебар, во близина на Скудрињски мост се судриле две патнички возила, „Мерцедес” со дебарски ознаки и „Ауди” со скопски регистарски ознаки. А.Д. бил сопатник во аудито, а возачот и другиот сопатник кои здобиле тешки повреди се згрижени во дебарската болница од каде се префрлени на скопските клиники.

Возачот на мерцедесот поминал со полесни повреди.

Јавен обвинител и екипа на ОВР Гостивар извршиле увид на местото на несреќата. Телото на загинатиот е предадено на обдукција.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.