Двегодишно дете вчеравечер се удавило во близина на Градско. Родителите на детето, кои биле од скопската населба Шуто Оризари, престојувале во Долно Чичево заради берба на грозје.

На 3 септември околу 20.00 часот во СВР Велес било пријавено дека на место викано Рамниште, атар на село Долно Чичево, Општина Градско, во отворен канал за наводнување било пронајдено удавено двегодишно дете од населбата Шуто Оризари, Скопје. Лекар од Градско констатирал смрт без траги на насилство – информира портпаролот на СВР Велес, Верољуб Додески.

По наредба на јавен обвинител, телото е предадено на обдукција во Институт за судска медицина -Скопје.

Бил извршен увид на местото на настанот, по што ќе биде познато како детето завршило во отворениот канал на водостопанство Тиквешко Поле Макарија широк 3, а длабок 1,5 метри и полн со вода.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.