Вчера во автомобил со македонски регистарски таблички кој се движел од правец на Албанија кон Црна Гора на црногорскиот граничен премин Сукобин, запленета е дрога.

Како што соопшти царинската служба на Црна Гора службеници на царинска испостава во Сукобин во координација со полициската управа, заплениле дрога и спречиле шверц при контрола на автомобил со регистарски таблички од Македонија.

-Службеници во царинската испостава Сукобин, во координација со Полициската управа, при контрола на патничкото моторно возило, пронашле поголема количина на растителна материја за која постои основано сомнение дека се работи за наркотици. Возилото со регистарски таблички на Република Македонија се движело од правец од Албанија кон Црна Гора, а супстанцата, спакувана во неколку поединечни пакувања, била пронајдена во скриен бункер на возило наменето за криумчарење, се наведува во соопштението .

Во согласност со протоколот за билатерална соработка, понатамошната постапка ја презела надлежната институција на Република Албанија.

Дел под медиумите во земјава вечерва јавија дека дрога е пронајдена во службено возило на МВР на албанско-црногорската граница и оти станува збор за марихуана, а во возилото биле вработени во Секторот за компјутерски криминал и дигитална форензика, кои заминале на обука во Црна Гора и тоа со службеното возило од авто паркот на МВР.

Возилото, МВР го користело откако го добило од Агенцијата за одземен имот, а истото било запленето од Царинската управа во 2016 година во акција за сузбивање на трговија со дрога. Според дел од медиумите двајцата вработени во МВР немаат поврзаност со дрогата и не знаеле за неа.

МВР, пак, се правдаше дека дрогата била во возилото од 2016 година, а полицајците не знаеле.

МВР се правда: Не е наша дрогата пронајдена во полициското возило, од 2016 година стои таму

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.