Екипата на ППД Загреб ќе игра во финалето на „Фајнал фор“ турнирот од регионалната ракометна СЕХА-лига.

Хрватскиот тим вечерва по изведување пенали го победи Мешков Брест од Белорусија со 38:37. Резултатот по 60 минути беше нерешен 32:32, па се пријде кон изведување седмерци. По пет пенали повторно немаше победник (36:36), а дури по дополнителни две серии беше решен финалистот.

Инаку, Загреб доби можност да игра на завршниот турнир на местото на Вардар, откако СЕХА-лигата им забрани да играат на „црвено-црните“ поради еден позитивен играч на коронавирус.

Вечер, во второто полуфинале се среќаваат Веспрем од Унгарија и Мотор Запорожје од Украина



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.