Тренерот на македонскиот ракометен шампион Вардар ги искажа своите очекувања во пресрет на македонската пресметка во СЕХА лигата против Металург.

Секогаш кога играме со Металург може да се случи нешто неочекувано бидејќи тоа се дерби средби. Тоа се два тима кои се големи ривали и сите знаат дека тоа е повеќе од обичен натпревар. Очекуваме добра атмосфера и верувам и гледачите ќе уживаат во мечот. Според мене најважно е Скопје да има два навистина добри клуба, вели Парондо.

Натпреварот се игра вечер од 20:15 часот во СЦ „Борис Трајковски”.

Вардар досега има биланс седум победи и два пораза, додека Металург е на учинок една победа, еден нерешен резултат и седум порази.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.