Македонскиот ракометен клуб вечерва загуби од Кјелце со четири голови разлика во меч од Лигата на шампионите.

Вардар одлично го почна натпреварот, Кјелце поведе со 1-0, но потоа следуваше серија од 5-0 на нашиот тим за водство од 5-1. Но, во продолжението работите се променија.

Волф се разбрани, вардаровите ракометари правеа грешки, нападот не функционираше, Кјелце почна да ја топи предноста, го сврте мечот и одморот замина со три гола предност, 16:13.

Во првата половина од второто полувреме Вардар повторно беше добар, со серија од 4-0 успеавме да дојдеме и до еден гол предност 22-21, но потоа повторно Волф се испречи, со серија од неколку одбрани по ред им даде ветар во грб на своите ракометари кои дојдоа и до највисоки пет голови разлика, на крајот победија со 33-29.

Разликата на овој натпревар ја направија Волф и Душебаев, голманот на Кјелце беше несовладлив кога се кршеше мечот, а поранешниот Вардарец даде дури десет голови од 11 шута.

Во составот на Вардар, Јотиќ постигна шест гола, Чупиќ и Дибиров реализираа по пет пати, Георгиевски даде четири. Кантегрел имаше пет одбрани, Ристовски три. Кај Кјелце убедливо најрасположен нбеше Алекс Душебаев со 10 голови, Туран постигна четири, Игор Карачиќ му даде два погодоци на својот поранешен тим. Волф мечот го заврши со 14 одбрани.

Ова беше втор пораз на Вардар од четири одиграни натпревари во Лигата на шампионите оваа сезона, за шест дена нашиот тим му гостува на Кјелце.

Столе и се е можно – торпедо од 9 метри



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.